Qanga pisartut malillugit assartuineq angallannerlu
Qanga pisarneq malillugu qimussit, qajaq umiarlu assartuinermut angallassinermullu atorneqartarput. Qajaq umiarlu sineriak tamakkerlugu assartuinermi angallannermilu atorneqartarsimasut qimussit taamaallaat Avannaani Tunumilu atorneqartarsimapput.
Ullutsinni nutaaliaasumik ineriartornermi qimussit aalisarnermut, piniarnermut takornariaqarnermullu atorneqartarput umiaq qajarlu kulturikkut aaqqissuussinermi atorneqartarlutik.
1990-imiilli kalaallit qimmiisa amerlassusaat appariarsimavoq. Kalaallit qimmiisa amerlassusaat titartagaq 1-imi takuneqarsinnaavoq.
Titartagaq 1. 2014 aamma 2015-imi qimmeqarfinni kalaallit qimmiisa amerlassusaat
Najoqqutaq: Uumasut Nakorsaat
Kalaallit qimmiisa qimminik allanik akuneqannginnissaat anguniarlugu qimmeqarfinnut qimmit allat qimuttoqarfinnut eqqunneqarnissaat inerteqqutaavoq.